وزیراعلیٰ بلوچستان میر عبدالقدوس بزنجو سے مشیر داخلہ و پی ڈی ایم اے میر ضیاء لانگو نے ملاقات کی ڈپٹی اسپیکر بلوچستان اسمبلی سردار بابر خان موسی خیل بھی ملاقات میں موجود تھے ملاقات میں حالیہ بارشوں کی صورتحال اور امداد و بحالی کی کاروائیوں پر تبادلہ خیال کیا گیا وزیر اعلیٰ نے مشیر داخلہ و پی ڈی ایم اے کو متاثرین کی امداد و بحالی کے لئے تمام وسائل برؤے کار لانے کی ہدایت کی اور کہا کہ کوئی بھی متاثرہ علاقہ اور متاثرہ خاندان امداد سے محروم نہ ررہے وزیراعلیٰ نے مزید بارشوں کی پیشن گوئی کے تناظر میں ہنگامی صورتحال سے نمٹنے کی تیاری مکمل رکھنے اور پی ڈی ایم انٹظامیہ اور متعلقہ اداروں کے درمیان مربوط روابط قائم رکھنے کی ہدایت بھی کی وزیراعلیٰ نے کہا کہ حالیہ بارشوں کی وجہ سے پیدا ہونے والی صورتحال اور امدادی کاروائیوں پر چیک اینڈ بیلنس رکھنے کی ضرورت ہے جبکہ مشیر داخلہ نے اتفاق کیا کہ حالیہ بارشوں کی وجہ سے پیدا ہونے والی صورتحال میں مزید بہتری کی گنجائش ہے ملاقات میں اس عزم کا اظہار کیا گیا کہ مصیبت کی اس گھڑی میں ہم اپنے عوام کے ساتھ ہیں انہیں تنہا نہیں چھوڑیں گے۔