کراچی 4 جولائی -وزیراعلئ بلوچستان میر عبدالقدوس بزنجو نے پاکستان پیپلز پارٹی کے رہنما سابق صدر آصف علی زرداری سے بلاول ہاؤس کراچی میں اہم سیاسی ملاقات کی ملاقات میں دونوں رہنماؤں کے درمیان ملک کی موجودہ سیاسی صورتحال سمیت باہمی دلچسپی کے دیگر امور پر تبادلہ خیال کیا گیا اس موقع پر سندھ بلوچستان کے مابین پانی کی تقسیم کے معاملے پر بھی بات چیت ہوئی وزیراعلئ بلوچستان نے سابق صدر سے دونوں صوبوں کے مابین پانی کے مسلئہ پر کردار ادا کرنے کی درخواست کی سابق صدر نے یقین دلایا کہ دونوں صوبوں کے درمیان پانی کے مسلئہ کو افہام وتفہیم سے حل کر لیا جاۓ گااور بلوچستان کے ساتھ پانی کی فراہمی کے حوالے سے سندھ کی جانب سے کوئی زیادتی نہیں ہونے دی جاۓ گی سابق صدر نے بلوچستان میں سیاسی ہم آہنگی اور جمہوری اقدار کے فروغ پر وزیراعلئ میر عبدالقدوس بزنجو کو خراج تحسین پیش کرتے ہوۓ کہا کہ پاکستان پیپلز پارٹی ملک میں جمہوریت اور جمہوری اداروں کے استحکام پر پختہ یقین رکھتی ہے اس موقع پر وزیراعلئ نے بلوچستان کی سیاسی صورتحال اور آئیندہ مالی کے بجٹ کی تفصیلات سے آگاہ کرتے ہوۓ کہا کہ ہم تمام سیاسی قوتوں کو ساتھ لیکر چلنے پر یقین رکھتے ہیں اور تمام اہم صوبائی امور پر سب سیاسی رہنماؤں کو اعتماد میں لینے کی روایت ڈالنے سے سیاسی ہم آہنگی کو تقویت ملی ہے وزیراعلئ بلوچستان نے پانی کے مسلئہ پر کردار ادا کرنے کی یقین دہانی پر سابق صدر کا شکریہ ادا کیا صوبائی وزیر آبپاشی میر محمد خان لہڑی بھی اس موقع پر موجود تھے
